Screenshot 2020-10-27 at 10.59.46

Meistaradeild KS í hestaíþróttum október 27, 2020

Nú er meistaradeild KS að undirbúa næsta keppnistímabil.
 Meistaradeild KS er ein af sterkari deildum landsins en þar er keppt bæði í einstaklings- og liðakeppni. Á síðasta ári var það lið Þúfna sem batt enda á sex ára sigurgöngu lið Hrímnis og Mette Mannseth sigraði í einstaklingskeppninni.
Það má búast við því að það verðir spenna í deildinni á komandi vetri og fullvíst að knapar hafi nú þegar hafið undirbúnin. Enginn þarf að láta þessu skemmtilegu deild framhjá sér fara því snillingarnir og fagmennirnir í TindastólTV munu að öllum líkindum halda áfram að sýna frá öllum keppniskvöldunum.

Öll keppniskvöldin fara fram í Svaðastaðahöllinni á Sauðárkróki að undanskilinni keppni í gæðingafimi sem fer fram í Léttishöllinni á Akureyri.

Eitt sæti er laust í deildinni. Þau lið sem eiga þátttökurétt í deildinni þurfa að staðfesta fyrir 31.október hvort þau muni halda áfram.

Þau lið sem eiga þátttökurétt eru:

Þúfur

Hrímnir

Syðra-Skörðugil/ Weierholz

Regulator Complete / Skáney

Equinics

Íbishóll

Leiknisliðið

Ný lið sem áhuga hafa á að koma í deildina þurfa að skila inn umsóknum fyrir 15.nóvember á netfangið unnursigurpals@gmail.com 

Umsókninni þurfa að fylgja nöfn liðsmanna og tilnefna einn liðsstjóra. 

Það lið sem féll úr deildinni 2020 getur sótt um aftur og fer í pottinn ásamt nýjum liðum sem sækja um.

Liðin verða áfram skipuð 5 liðsmönnum. Í hverri keppnisgrein keppa þrír liðsmenn. Heimilt er að skipa þjálfara en greitt er þá sérstaklega fyrir hann. 

Deila færslu

Share on facebook
Share on twitter
Share on print
Share on email