896a8659-a13d-4d78-ac65-8ab61117e984.jpg

Horses of Iceland – Mikill fjöldi gesta og áhugi á samstarfi á alþjóðavettvangi mars 30, 2017

Mikill fjöldi gesta og áhugi á samstarfi á alþjóðavettvangi

Íslandsstofa stýrði þátttöku Horses of Iceland í Equitana sýningunni í Essen í Þýskalandi sem stóð yfir dagana 18.-26. mars. Um er að ræða stærstu hestasýningu í Evrópu og voru gestir um 30.000 á dag þegar mest var. Gestir fjölmenntu á básinn og beið fólk í röðum til að fá að horfa á íslenska hestinn í 360° myndbandi sem hægt var að skoða í sýndarveruleikagleraugum.

Þorgerður Katrín Gunnarsdóttir sjávarútvegs- og landbúnaðarráðherra heimsótti sýninguna og fundaði með þýsku samtökunum og ræddi m.a. um ávinning þess að allir sameinuðust í kynningarstarfi íslenska hestsins um heim allan. Ráðherrann opnaði formlega fyrir sölu á miðum á Landsmót 2018 sem haldið verður í Reykjavík í byrjun júlí.

Að sögn Jelenu Ohm, verkefnisstjóra Horses of Iceland verkefnisins, tókst vel til með kynningu á hestinum og markaðsverkefninu á sýningunni. Lögð var áhersla á alþjóðlegt sjónarhorn verkefnisins og að kynna ávinning þess að vera með, fyrir bæði samtök og fyrirtæki um heim allan.

896a8659 a13d 4d78 ac65 8ab61117e984

Deila færslu

Share on facebook
Share on twitter
Share on print
Share on email